Гром Дзяніс

   Нарадзіўся ў вёсцы Крупіца ў сям'і таленавітага музыканта і кампазітара, кіраўніка фальклорнага калектыву “Крупіцкія музыкі” Грома У.М. У 1995г. скончыў музычнае вучылішча імя Глінкі па класе скрыпкі. У 2000 г. - Беларускі дзяржаўны універсітэт культуры і мастацтваў па спецыяльнасці “мастак-кераміст”, “акварэліст”. З 1997 г. - член Беларускага саюза майстроў народнай творчасці. Выкладае ў школе мастацтваў п. Крупіца. Лаўрэат шматлікіх конкурсаў: лаўрэат конкурсу “Гліняны звон” у намінацыі “Гліняная цацка”, “Музычны інструмент”, дыпламант конкурсу “Славянскі базар” у г. Віцебск. З 2004г. - майстар музея “Дудуткі”. Падчас экскурсій майстар дае магчымасць жадаючым прыняць удзел у працэсе лепкі глінянай свістулькі-цацкі, якую потым наведвальнік атрымлівае ў падарунак ад майстра.
   Захапленні - камп'ютарны дызайн, рэкламныя ролікі, астраном-аматар, грае на музычных інструментах (акарына, парная акарына, дудка, варган, скрыпка, дуда, ліра).